DAGAA WA KUKAANGA NA NAZI

• Andaa kitunguu, nyanya, pilipili hoho na karoti. Osha, kata vipande vidogo tayari kwa mapishi.
• Andaa tui la nazi – vunja nazi, kuna na kisha kamua tui zito na hifadhi vizuri pembeni.

• Weka sufuria ya kupikia jikoni, kisha mimina mafuta ya kula kiasi. Subiria yapate moto vizuri.Weka vitunguu kwenye sufuria.

• Koroga mpaka vianze kubadilika rangi kidogo.
• Vitunguu vikianza kubadilika rangi, weka dagaa wa double T. Koroga na kukaanga vizuri dagaa wa double T kwa muda wa dakika chache.Dagaa wa double T wakianza kukauka 
• kamulia ndimu au limao juu yake. Koroga kiasi kisha weka pilipili hoho na karoti. Endelea kukoroga.

• Weka nyanya kwenye dagaa. Endelea kukoroga na kisha funika na mfuniko ili nyanya ziive vizuri na mvuke na kuwa laini.
• Nyanya zikiiva unaweza kuziponda ili kupata rojo nzuri...pia unaweza kuongeza tomato paste kama nyanya chache au mbichi...
• Weka chumvi unayoona inafaa kutokana na kiwango cha mboga.